Dir heit mi usglacht, vo Afang a s'isch huere schnäll passiert
Will i mis Töffli u mini Haar nid ha frisiert
Mini Chleider hani vom grosse Brüetsch nachetreit
Dir heit mi usglacht u i ha nie öppis gseit
I ha scho denn geng dänkt göht doch alli eifach hei
Wes halt eso isch, de schutten i lieber ganz elei

I ha's scho denn gseh cho, für mi sit dir immer no

Bärgufbrämser, Teletubbies-Zrüggwinker
Turnzügverlürer u lauwarms Light-Bier-Trinker
Handwarmduscher u Hustüre-Zwöimalbschliesser
Vorplatzwüscher u Zimmerpflanze-Giesser

U itz heiter's höch im Gring, heit zwöi verzogni frächi Ching
Ar Börse louft's guet im Momänt, öichi Papier hei e super Performance
Dir rouchet Zigarre u heit e dicke gleaste Charre
Dir redet über Chinderhort u das nöie Designer-Sideboard
d'Ferie am Mittelmeer u ds'schicke Läder-Interieur

I ha's doch geng gseh cho, fü mi sit Dir immer no

Bärgufbrämser, Teletubbies-Zrüggwinker
Turnzügverlürer u lauwarms Light-Bier-Trinker
Handwarmduscher u Hustüre-Zwöimalbschliesser
Vorplatzwüscher u Zimmerpflanze-Giesser