Gianola

Dr Gianola isch tot, si hei ne hüt am Morge gholt
U d'Polizei isch vor Ort, u si rede vo Mord
Si hei ne d'Schtäge ache treit u ine länge schwarze Liichewage iche gleit

Dr Gianola isch tot, u das bi üs im Quartier
U die zwe Inschpäktore die spitze ihri Ohre
Ob äch öpper es Motiv chönnti ha oder ob dä Ma äch gar am Änd heg Finde gha

Dr Gianola isch tot, das het dr Abwart gseh
Es sig alles voll Bluet u är hegi e Wuet
Wiu wär putzt äch d'Morerei, die wo so wichtig ta hei vo dr Polizei? Ne nei

Ref:  Morgerot, Morgerot, Morgerot, dr Gianola isch tot

Dr. Gianola isch tot, u d'Frou Gasser het gseit
Är heg se immer fründlech grüesst u äs tägere leid
Aber si heg immer dänkt dass da irgendwas nid stimmt, u dass dä irgendwelchi illegale Droge nimmt

Dr Gianola isch tot, u d'Frou Wälti het gfragt
Ob äch dä Parkplatz frei würd, si hät de gärn dä Vertrag
U dä heg doch chrummi Gschäft gmacht mit dr Mafia u drum heg är wahrschinlech müesse ds'läbe laa

Dr Gianola isch tot, u dr Herr Stettler het gredt
Das är de eventuell no sis Chällerabteil wet
Dä heg i sore Satans-Sekte mitgmacht u die hegene itz umbracht

Ref

Dr Gianola isch tot u das weis ou d'Frou Frick
Jesses was für nes Unglück, chunnt äch das morn im Blick
Es sig ja scho no verruckt dass eine so müessi ga aber dä heg haut ds Füdle voll Spiuschulde gha

Dr Gianola isch tot u ou dr Pöschtler hets ghört
Das erschtuni ihn nid bi däm Schamrmör
Dä heg doch jedi Nacht e andri gha u das sig es IIversuchtsdrama