Jaja i weiss, me mues uf e Balkon ga rouche
Alles klar, nid mit de Schue dür d'Wohnig loufe
U när mues me säge wie fein das ds'Ässe gsi isch
Un nid wüescht rede, s'het ja schliesslech Ching am Tisch

Merci für d'Iladig, aber i chume nid,
Wills ja eh wieder e längwilige Abe git
S'isch mer egal, wie's de Ching i dr Schuel geit
U was d'Lehreri am Eltereabe het gseit

Ja was, s'Tante Heidi isch im Spital
Ja ja uf all Fäll, i bsueche se de mal
U sit dr immer flissig am Blöckflöte lehre
Ou ja, spilet eis vor das wett i ghöre

Merci für d'Iladig, aber i chume nid,
Will's ja eh wieder e längwilige Abe git
S'interessiert mi nid, wie öichi Ferie si gsi
U bi dere blöde Diashow schlafen i sowieso wieder i

Ja ja, we's öich guet geit, de fröit's mi
Hesch mer no nes Gläsli Rote oder röit's di
Nei nei, i trinke nid z'viel, nid vor de Ching
Aber sones Gläsli ligt ja auso schno drin

I chume nümm z'Bsuech, mi chöit dr vergässe
I cha ja ou nöime  ine Beiz ga frässe
Chöt vo mir us Stadler Müller Meier ilade
Bi öich geit mir fadegrad dr Lade abe

Merci für d'Iladig, aber i chume nid,
Will's ja eh wieder e längwilige Abe git
Ha ke Zit u s'interessiert mi nid

Merci für d'Iladig, aber i chume nid,
Merci für d'Iladig, aber i chume nid,
Merci für d'Iladig, aber i chume nid,