Si isch 25gi u gross u schlank u hübsch u intelligänt u het e guete Job ire Wärbeagentur
Aber ds'Läbe isch gliich so kompliziert u schwirig u bedrohlech wiene schwarzi Wand u derhinger isch en Abgrund
U mängisch mues si gränne, ohni Grund u ihri Träne gheie ine See voll vo dunkle Gschtalte, schlächte Tröim u voll Ohmacht

U Schoggi macht süchtig u Gummibärli mache glücklech, drum het si die drü Kilo Box wo ihri Mueter geng im CC chouft

Si isch verlore
I däm schwarze Loch

U itz hocket si da i ihrer 3 ehalb Zimmer Wohnig mit de nöie Vorhäng u stellt dr Fernseh ab will er se truurig macht
Si isst Gummibärli u d'Träne loufe in dunkle wilde Fluss wo aus rundume ertränkt u mitsech risst
Ihri Narbe am Handglänk si no gar nid lang verheilt u d'Schlaftablette im Nachttischli si zschwach u gäbe Chopfweh

U Schoggi macht süchtig u Gummibärli mache glücklech, drum het si die drü Kilo Box wo ihri Mueter geng im CC chouft

Si isch verlore
I däm schwarze Loch