Warum gö mir bim Seckle äch geng d'Schuebändu uuf
U warum lääreni ewig aues uf dem hälle Teppich uus
Warum schicke si die Betribige eigetlech immer iigschribe
U werum mues i mi bim Rasiere jedes Mal schnide

U werum gwinnt eigetlich de huere Schumacher geng alli Outorenne?

Werum hei eigetlech plötzlech alli sones Home Cinema Surround Syschtem
U werum si nöi Ungerhose geng eso unbequem
Warum hani äch nächti wieder dermasse groucht u gsoffe
U wärum het sech äch Cobain's Kürtu i Gring iche gschosse

U werum gwinnt eigetlich de huere Schuemacher geng alli Outorenne
Es isch ja zum gränne, si de dieser wo da schüsch no rundume fahre äch aui am penne
Hesch die mau g'achtet, de huere Schuemacher gwinnt ewig alli Outorenne
U alli si mega gnärvt woni kenne, will dä ständig gwinnt bi dene blöde längwilige Outorenne

Werum müesse sech d'Lüüt eigetlech ewig nöi Chärre choufe
U werum mues i jede Tag eso wiit bis a Bahnhof loufe
Werum chöme d'Stüüre äch geng wenn i eh grad wieder mau ke Gäud ha
U werum tüe sich geng die Kasse zue woni scho sit zäh Minute aastah

U werum gwinnt eigetlich de huere Schumacher geng alli Outorenne?

Werum stogle ni äch jedes Mal über dr gliich Stägetritt - Heimatland, geng über e dritt
U werum chume ni geng z'spät wes öppis gratis git
Werum wird äch mini Chrankekasse jedes Jahr sövu viel tüürer
U werum het si mir äch nächti wieder emau gseit i sig e Verlüürer

Werum cha de nid emau eine vo de Hinwiler gwinne
Mit däm nöie Windkanal sötts doch eigetlech itz mau glinge
Oder ämu mau  dr Kimi, dä möge mer ja ou,
wenigschtens wohnt dä nid im Wälsche, dä wohnt z'Wollerau
Aber nei, dä huere Schuemacher stilt ewig allne d'Show
U ich chönnt wette, z'nächschte blöde längwilige Renne gwinnt dä Tubu ou