Dä huere Radar hei si neu ufgstellt, die hei uf ihn gwartet
U wo si ne de usegwunke hei, da het er richtig Gas gäh
Si chöme nächer, er ghörts, die verwütschene nie
Die verwütschene nid, nid hüt u nid hie

Mit sim Lancia git er Vollgas, er isch dr Ritter vo dr Landschtrass

Es hett ne scho letscht Summer blitzt, mit 120 statt 80
330 Stei Schribgebühr, 1200 Stutz für d'Strasseschtür,
Das isch de ou no huere tüür

Mit sim Lancia git er Vollgas, er isch dr Ritter vo dr Landschtrass

Uf dr Büez hei sis scho länger gseit, er söll echli meh Gas gäh
U de isch dr blau Brief cho, obwohl er sich doch het zäme gno
Das isch ihm zimlech schräg ichecho

U jetzt isch er unterwägs, Richtig Gänf, Richtig Frankriich
Richtig Freiheit
Nume einisch im Läbe uf dr Überholspur, uf dr Überholspur,
Richtig Freiheit, uf dr Überholspur

Mit sim Lancia git er Vollgas, er isch dr Ritter vo dr Landschtrass

Nume einisch im Läbe, nume einisch im Läbe, nume einisch im Läbe -
Uf dr Überholspur.....