I gah gärn am Morge uf Deitinge Süd
U hocke chli ume u beobachte d'Lüt
U ab und zue triff i dr Silvio dört
U de trinke mer Café u schnurre chli blöd

Aber hüt am Morge isch är nid uftoucht
U i wär scho fasch gange wo si ichelouft
Si hocket ads Tischli grad visavis
U si bschtellt es Espresso u nes Gipfeli

Irgendwie het si öppis Speziells
So wie die Lieder am Radio wod lüüter stellsch
U itz luegt si uuf u gseht mi Blick
U ni luege schnäll wäg will i verläge bi

Und i stelle mer vor wie's mal chönnt sii
We mir scho nes uuralts Päärli si
U si mi fragt weisch no wo's isch gsi
Und i säge ja klar a däm Morge in Deitinge Süd

Irgendwie müesst i itz uf se zue
Müesst öppis säge u zimlech lässig tue
Aber was we si mi eifach uuslacht
U vor allne Lüüt es Theater macht

Mis Tassli isch läär, i sött langsam zahle
U wo d's Frolein chunnt bschtell i gliich no ne Schale
U itz luegt si uuf u gseht mi Blick
U ni luege schnäll wäg will i verläge bi