Ha mi la blände, vo dine gfärbte blonde Haar
Vo dim schöne Gsicht u dire Figur
Bi dumm u tröi gsi, wäge dire coole Art
Aber s'isch gar nid cool, s'isch nume e Muur
Ha mir öppis vorgmacht, zumne Maa da ghöri e Frou
Ha gmeint es sig Liebi, derbi isch's nume ä billigi Show

I ha so gnueg vo dim chranke Schönheitswahn
Vo tüüre Uhre u schicke Lüt
Ha d'Schnouze voll vo dine Salät u dim Evian
Schön si u Gäld schüsch interessiert di nüt
Bisch nächtelang nid heicho u weni gfragt ha hesch glacht u gloge
Du hesch es nie zuegäh, aber i weiss du hesch mi betroge

U jetz isch es verbii
Bi wieder frei u elei u viel besser zwäg als mit dir
Cha Sache mache drüber lache ohni das ewige Gliir
Cha wieder Froue aaluege ohni Schlangegruebe vo dir
S'isch guet isch's verbii, ämu für mi
I bi froh isch's verbii, i vermisse di nid